|
|
PRESIDENTI OBAMA URON KUNDËRSHTARIN E TIJ REPUBLIKAN MIT ROMNI PËR FITOREN
Nga Frank Shkreli
 Frank Shkreli Të marten që kaloi, ish guvernatori i shtetit Masaçusets, Mit Romni e siguroi emërimin e Partisë Republikane për president pas fitores në zgjedhjet paraprake të kësaj partie në Teksas. Nga 150 delegatët e këtij shteti, Mit Romni fitoi votat e 88 prej tyre, duke e çuar numrin e delegatëve të siguruar prej tij në më tepër se numri i nevojshëm prej 1 mijë e 144 delegatësh për t’u bërë kandidati formal presidencial i republikanëve. Emërimi zyrtar i Zotit Romni do të bëhet në qytetin Tëmpa të shtetit Florida në muajin gusht ku delegatët e partisë nga të gjitha shtetet dhe territoret e Amerikës do të votojnë për Zotin Romni edhe për kandidatin që ai do të zgjedhë për nën-president.
Presidenti i Shteteve të Bashkuara Zoti Barak Obama, në të njëjtën kohë edhe kandidati zyrtar i Partisë Demokrate për president në zgjedhjet e nëntorit, i telefonoi dje kundërshtarit të tij republikan Zotit Romni për t’i uruar fitoren formale të tij në zgjedhjet paraprake në shtetin Teksas të martën. Media amerikane bën të ditur se Presidenti Obama i telefonoi dje Zotit Romni nga Shtëpia e Bardhë. Zëdhënësi i fushatës së Presidentit Obama, Zoti Ben Lablot në një deklaratë që lëshoi për mediat tha se, “Presidenti Obama i telefonoi Guvernatorit Romni për t’i uruar sigurimin e emërimit të tij për president nga Partia Republikane. Presidenti i tha atij se pret që gjatë fushatës së ardhëshme ata të zhvillojnë një debat të rëndësishëm dhe të shëndoshë mbi të ardhmen e Amerikës dhe i dëshiroi guvernatorit Romni dhe familjes së tij gjithë të mirat gjatë fushatës.” Ndërsa pak më vonë zëdhënsi i Shtëpisë së Bardhë Xhej Karni e cilësoi bisedën midis dy kundërshtarëve politikë amerikanë, ”si një shkëmbim miqësor midis dy kolegëve.” Ndërkaq, një zëdhënës i fushatës së Zotit Romni e karakterizoi bisedën telefonike midis tyre si ”të shkurtë dhe të përzemërt”, dhe shtoi se guvernatori Romni e falënderoi presidentin Obama për urimet që i bëri duke i dëshiruar gjithë të mirat atij dhe familjes së tij. Vazhdoni leximin e RROFTË TOLERANCA POLITIKE AMERIKANE
Share and Enjoy
Nga Fritz RADOVANI
Në 100 vjetorin e Pavarsisë…
Një ndër legjendat e Maleve tona të Veriut ishte edhe ishoficeri Martin Sheldija
 Fritz Radovani Dij shumë pak për prejardhjen e Tij, familjen dhe jetën e Këtij Heroi të Shqipnisë. Koha po punon në drejtim të harresës së këtyne Figurave të lavdishme, për mos me thanë até që po ngjan në të vërtetë në Historinë e Popullit Shqiptar: “Shlymje e lavdisë së Tyne të perjetshme!”… Një ndihmesë të madhe në këte drejtim po jep pa u kursye përditë shteti “monodemokratik”, i cili nuk u përzihet në “shkarravinat” e tyne “askujtë”, madje as “dr.prof. dhe akademikëve” falsifikatorë të Historisë.
Kisha dëgjue vetëm se dr. Sheldija, mjek i nderuem në Shkodër, dhe i njohtun si i tillё, ka pasë një vëlla aq trim ndër male, sa vetëm At Fishta do të kishte mujtë me tregue të vërtetën e jetës dhe të veprave të Tij heroike.
Koha më solli një mundësi në vitin 1998. Kisha në dorë dosjen 1417 në arkivin e Min. Mbrend. në Tiranë… “oficeri Martin Sheldija”, me origjinë familjare nga Sheldija e Shkodrës. Në vitin 1915 ka krye tre vjet në gjimnazin e Jezuitëve, mandej në 1917 ka krye një vit kurs ushtarak në Austri. Në vitin 1942 ka kenë në Çorovodë oficer me gradën toger në polici. Deri atëherë ishte mësues. Në prill e deri në korrik të vitit 1944 ishte Komandant i gazermave të Tiranës. Në muejn korrik vjen në Shkodër. Me 20 nandor 1944, bashkë me policin Gjon Ganjolla, shkojnë në Sheldi mbasi “nuk do të vonojnë dhe do të zbarkojnë anglezët”. Në Sheldi takohet me Kol Ashikun dhe bashkë me Shuk Gjokën dalin në mal me vazhdue rezistencën kundër komunistëve. Disa ditë kalojnë në shtëpinë e Shuk Nushit e Simon Kolës. Prej aty bashkohën me oficer Gjergj Vatën, Zef Mirashin, Don Alfons Trackin, Ndoc Jakovën, Zef Agostinin, Kol Mark Tomën etj…” Vazhdoni leximin e TRIMI I MALEVE MARTIN SHELDIJA…
Share and Enjoy
Tregim nga Resmi Osmani
Grave luftëtare të UÇK
 Resmi Osmani Kompania jonë e brigadës “Atlantik”, kishte dy ditë që kishte zënë vend në të dy anët e shpatinave të Pashtrikut, në dushkajat e rralla që pranvera sapo i kishte gjethëzuar. Pranvera ishte në shpërthim me gjithë bukuritë e saj, por ne nuk i gëzoheshim dot. Për Kosovën ajo ishte një pranverë e përgjakshme. Sapo kishte mbrritur lajmi që komandantët Agim Ramadani dhe Sali Çekaj kishin rënë heroikisht. Ishim në mbrojtje të fshatrave që shtriheshin në luginë e që ende nuk kishin marrë rrugën për në Shqipëri. Rruga që zbriste nga qafa e malit, varej butë tatëpjetë luginës që sa vinte e zgjerohej. Nëpër të priteshin të depërtonin “Tigrat” e Arkanit, të egër e mizorë, me tanke e artilieri dhe të armatosur deri në dhëmbë, për të masakruar njerëzit tanë.
Ne ishim pararoja. Pas nesh ishin kompanitë e tjera në rezervë. E dinim me cilët kishim të bënim, por kompania jonë ishte pagëzuar me zjarrin dhe e kishte nuhatur erën e barutit, kishte derdhur gjak dhe kishte dhënë dëshmorët e parë. Kishim përgatitur pozicionet, hendeklidhjet , vendosjen dhe maskimin e topave fushore kundërtanke e mitralozëve të rëndë. Xhenjerët kishin minuar rrugën në pjesën më të ngushtë të saj. Prisnim nga çasti në çast çfaqien e armikut dhe fillimin e luftimeve.
Në kompani ishim katër vajza. Unë që sapo isha diplomuar mjeke në Universitetin e Zyryhut, dy infermieret që vinin nga Florida, që çuditërisht uniforma ushtarake i zbukuronte aq shumë dhe Bujana, studente për pjano në konservatorin e Leidenit. Bashkë me dy shoqet e mija përgjigjeshim për shërbimin sanitar, kurse Bujana ishte ndihmës mitraliere në vijën e parë. Në çadrën tonë sanitare me kryq të kuq, të maskuar e të vendosur prapa një suke, nën trungun e një lisi shekullor, kishim vendosur mjetet e pakëta, por të domosdoshme të ndihmës së parë dhe disa barrela për bartjen e të plagosurve. Vazhdoni leximin e KRAHU I BUJANËS
Share and Enjoy
(Fragmente nga libri që gjendet në shtyp Çështja shqiptare në udhëkryq, Bukuresht, 2012)
Nga Fehmi Kelmendi
 Fehmi Kelmendi Pas kësaj ngjarjeje turqit depërtuan pa pengesa drejt veriut duke pushtuar vende pas vendesh. Viset e okupuara shqiptare prej turqve përfshiheshin në një Elajet që quhej i Rumelisë, me qendër në Manastir. Ejaleti ndahej në vilajete, vilajeti në sanxhaqe, sanxhaku në kazaja dhe kazaja në nahije. Shqipëria kishte katër vilajete: i Kosovës, Manastirit, Janinës dhe Shkodrës me një sipërfaqe gjithsej prej 116 mijë km katrorë. Gjendja e tillë nuk ndryshoi deri në vitin 1912. Kur Ballkani u pushtua prej turqve dhe Evropa rrezikohej nga invadimi i tyre shqiptarët gjindeshin në vlugun e kryengritjeve antiosmane. Heroi ynë kombëtar Gjergj Kastrioti-Skënderbeu me 28 nëntor 1443 ngriti përsëri flamurin shqiptarë në kështjellën e Krujës. Për organizimin sa më efektiv të qëndresës shqiptare rëndësi të madhe pati Kuvendi i Lezhës më 2 mars 1444. Nga ky Kuvend doli Lidhja Shqiptare e Lezhës – Besëlidhja Shqiptare me Skënderbeun kryetar. Epopeja e lavdishme 25 vjeçare e Skënderbeut ishte burim frymëzimi i luftërave të ardhshme. Mjerisht, njëri nga komandantët kryesorë të Skënderbeut, Moisi Golemi, me 1455 tradhtoi popullin e vet dhe u lidh me pashën e ushtrisë turke, Isak Bej Evrenosin. Për këtë sulltan Mehmeti II Fatihu (1451-1482) e vuri në ballë të një ekspedite ndëshkuese kundër Skënderbeut. Por në betejën e Oranikut më 19 maj 1456 Moisi Golemi pësoi disfatë. I penduar iu dorëzua Skënderbeut , kërkoi falje prej tij dhe i mbeti besnik deri në fund të jetës. Në sulmin e parë të befasishëm të Ballaban pashës, Moisi Golemi u zu jesir nga turqit, por nuk pranoi më të vihej në shërbim të tyre. Kundër Skënderbeut luftoi edhe nipi i tij, Hamza Kastrioti.
Share and Enjoy
Poezi nga Koço Sterjo
 Koço Sterio I helmuar jam
Pёr njё ҫik’ Atdhe.
Ti,qё je kёtu,
Nuk je si atje.
Vazhdoni leximin e KUTURU…
Share and Enjoy
Nga Orjon Mulaj
 Orjon Mulaj Për të kuptuar më mirë situatën në të cilën ndodhet arsimi i lartë në vendin tonë po guxoj të bëj një paralelizëm me kohën e firmave piramidale.
A ju kujtohen VEFA, Gjallica, Kamberi, Xhaferi, Populli dhe Sudja?????
Në vitin 96’ shqiptarët u përballen me disa oferta shumë joshëse të disa ashtuquajturave firma (individëve) të cilat pretendonin kthime marramëndëse duke thurur alibi nga më të ndryshmet. Njerëzit filluan të investojne kursimet e tyre me shpresën se kthimi nga ky investim do të ishte shumë herë më i lartë (deri në 300%), shumë të tjerë filluan të shesin shtepitë dhe cdo gjë, për të përfituar nga kjo mundësi e artë. I gjithë investimi i tyre pritej të kthehej brenda 2-3 muajve çka e bënte këtë investim të jashtëzakonshëm. Aq sa shumë qytetarë menduan të braktisnin punën pasi të ardhurat e këtyre investimeve ishin të mjaftueshme për të siguruar një jetë shumë të mirë. Vazhdoni leximin e Drejt analfabetizmit universitar
Share and Enjoy
Tregim nga Kristaq Turtulli
 Kristaq Turtulli Jam në pritje të gruas, Meritës e cila po kthehet prej vendlindjes pas tre muaj të gjatë mungese. Pritja e gruas ka një tjetër kuptim në jetën e burrit, aq më tepër kur është ikja e e saj e parë pas krijimit të çerdhes sonë të re. Gjithë natën nuk fjeta, jastëku më dukej i fortë si gur dhe mbulesën e pambuktë e flakja tutje e shtyja me këmbë. Më dukej sikur ora ishte hutuar, bërë përtace, akrepat lëviznin me ngathtësi, në përshpejtimin e ardhjen e ditës së re. Më vinte ta qëlloja me këpucë për ta shkundur. Ngrihesha ndënjur në shtroja, vështroja lojën e verbër të reklamave përtej dritares dhe thosha me vete:
‘- Merita tani është duke fluturuar në qiell në barkun e reve të bardha, të pafundme mbi oqeanin Atlantik.
Gruaja ime e dhembshur shkoi ngutshëm, si e çakërdisur në mëmëdhe, për të sjellë dhe operuar në Kanada të atin, Demirin, pijetarin shembullor të konjakut dhe të fërnetit, i cili është në gjendje kritike, rrezik vdekje. Mezi pres ta takoj të ëmblën time, ta përqafoj me mall dhe dashuri, të puth me zjarr buzët e kuqe gjithë tul, si dy qershi belice. Ti përkëdhel flokët e zinj kaçurrela, që i derdhen si ujëvarë në shpatullat e hijshme dhe të prehem i qetë një copë herë në gjoksin e plotë dhe të fortë. Të ndjej erën e këndshme të kurmit të gruas sime dhe të besoj vërtet se, gjithsecili ka nevojë të dojë dhe ta duan… Vazhdoni leximin e Zhgënjimi
Share and Enjoy
Nga Tribuna Shqiptare
Ndue Ukaj që lexuesit e shikojnë spesh në mediat shqiptare dhe tek Tribuna Shqiptare si eseist, kritik, poet apo analist është publikuar nga revista amerikane, Ann Arbor Review: International Journal of Poetry, e cila botohet në shtetin Florida. Revista në fjalë është e fokusuar vetëm në publikimin e poezisë. Kjo revistë, ka një traditë disa dekadëshe dhe që nga atëherë, ka botuar poetë të shquar. Në numrin e ri të saj të pranverës, që ka dal këto ditë, në këtë revistë prestigjioze të poezisë, është prezantuar me një poezi, poeti nga Kosova Ndue Ukaj. Poeti Ukaj prezantohet në këtë revistë me poezinë, Liria e poezisë, të përkthyer anglisht nga Peter Tase.
 Ndue Ukaj
Këtu më poshtë keni poezinë në shqip dhe në anglisht
Liria e poezisë
Nga Ndue Ukaj
Vazhdoni leximin e Ndue Ukaj në revistën internacionale poetike Ann Arbor Review
Share and Enjoy
Nga Vullnet Mato
 Vullnet Mato Sot në mesditë,
në zemrën e pyllit,
zogjtë dhe gjethet i këndonin diellit.
Bukën diellore
në miliona thërrime, Vazhdoni leximin e DIANA NË ZEMRËN E PYLLIT
Share and Enjoy
Fletë nga ditari – 2
Nga Luan Çipi
 Luan Çipi Kryetari i Bashkisë i qytetit të Trikallës të Greqisë, (kur ne shkuam atje me delegacionin bashkiak të qytetit të Vlorës për vizitë miqësore) “dhimarkua”, siç quhej, ishte Kostandin Papastergjiu, rreth 60 vjeç, i rizgjedhur, me votë të lirë nga populli, në 6 legjislatura. Ai, me profesion ishte inxhinier ndërtimi dhe në të njëjtën kohë, drejtonte vetë një biznes privat, që merrej me ndërtim banesash, shitje dhe dhënie me qira. Kryetari grek, u çudit kur mësoi se në Shqipëri, posti i Kryetarit të Bashkisë, e përjashtonte të drejtën e angazhimit shtetëror, njëkohësisht me drejtim biznesi privat. Ai tha se, “po qe kështu, atje në Shqipëri, në legjislaturat e ardhme, asnjë biznesmen nuk do pranojë të vendos kandidaturën për t’u zgjedhur dhimarko. Po qe se unë këtu, do ta lija biznesin, do të ngelesha shpejt fukara dhe do të meritoja mallkimin e fëmijëve të mi. Nga ana tjetër, theksonte greku i zgjuar, që të drejtosh mirë një bashki, duhet të jesh biznesmen i pasur. Po të jesh horr, do kthehesh në hajn”. Vazhdoni leximin e NË BASHKINË E QYTETIT GREK TRIKALLA
Share and Enjoy
|
Tribuna Shqiptare në Facebook
|
